Ինչպես գրում է The Financial Times-ը, մի քանի հայտնի ընկերությունների և կազմակերպությունների, այդ թվում՝ ԱՄՆ-ի, ԿՀՎ-ի և Sony ընկերության կայքերի վրա հաքերական հզոր հարձակումներից հետո բացահայտվել է հաքերական մի կազմակերպություն, որը դիտարկվում է մասամբ՝ որպես հանցավոր խմբավորում, մասամբ՝ որպես ստեղծագործական միավորում:
Հիմա Lulz Security հայտարարել է, որ շարունակելու է այս շաբաթ սկսված գաղտնի տեղեկությունների գողացման ակցիան:
Հետախուզությունների դաշնային բյուրոյի աշխատակից Սթիվեն Չաբինսկիի խոսքերով` խմբավորման մեջ կան հաքերներ, որոնք ունեն Wikileaks-ի ոգով պոպուլիստական տրամադրվածություն: Այս ամենը նրանց դարձնում է իսկական վտանգ: Սովորաբար Lulz-ը հայտնում է իր հարձակումների մասին Twitter-ում կամ այլ կայքերում:
«Մասնագետները Lulz-ի մասին խոսում են զարմանքով և որոշակի մտավախությամբ»,- գրում է հոդվածի հեղինակ Ջոզեֆ Մենը: «Նրանք հմուտ են, ինչը նրանց թույլ է տալիս սպառնալիք դառնալ ինչ-որ մեկի անվտանգությանը՝ լինի կառավարություն, թե ընկերություն»,- նշել է Ջոն Մարկուսը` McAfee ընկերության անվտանգության համակարգերի մատակարարման և հետազոտության տնօրենը:
«Մասնագետները նշում են, որ խմբավորումն անում է այն, ինչ կառավարություններն ու հանցավոր խմբավորումներն անում են ծածուկ: Նրանք կասկածում են՝ արդյոք կարելի՞ է կանգնեցնել Lulz-ին, և չգիտեն՝ արդյո՞ք նրանց հաքերական հարձակումները կհանգեցնեն անվտանգության բարելավմանը և իրավաբանական կոպիտ միջոցների, որոնք համացանցի ազատության սահմանափակում կբերեն»,- նշել է հեղինակը:
