Տաջիկստանի առողջապահության նախարարությունը կանանց առաջարկել է ավելի քիչ երեխաներ լույս աշխարհ բերել: Պատճառը, այսպես կոչված, «ժողովրդագրական բում»-ն է, որը սոցիալ-տնտեսական խնդիրների պատճառ է դարձել, հաղորդում են տեղական ԶԼՄ-ները:
Յուրաքանչյուր հինգ տարում Տաջիկստանի բնակչությունն ավելանում է 11 տոկոսով, այսինքն՝ մեկ միլիոն մարդով: 2018-ին երկրի բնակչությունը գերազանցում է ինը միլիոնը:
Համաշխարհային բանկի եզրակացության համաձայն՝գործազրկության, ինչպես նաև աշխատանքային արտագաղթի բարձր մակարդակը երկրում հենց ժողովրդագրական բարձր աճի արդյունք է:
.jpg)
Տաջիկստանի իշխանություններն արդեն խոստովանել են, որ երկրում այդպիսի խնդիր գոյություն ունի:
«Մենք պետք է երկարաձգենք երեխաների լույս աշխարհ գալու միջև ժամանակահատվածը: Այն պետք է լինի առնվազն երեք տարի, որպեսզի կնոջ օրգանիզմը պատրաստ լինի ծննդաբերությանը: Սակայն, ցավոք, կանանց շուրջ 6−7 տոկոսը յուրաքանչյուր տարի երեխա են լույս աշխարհ բերում »,-հայտարարել է առողջապահության նախարարության ներկայացուցիչ Շերալի Ռահմատուլոևը:
