ԱՄՆ նախագահ Դոնալդ Թրամփն իր կողմնակիցներին ասել է, որ Սաուդյան Արաբիան և նրա թագավորը «երկու շաբաթ» էլ չեն մնա իշխանության գլխին առանց ԱՄՆ-ի ռազմական աջակցության:
CNN-ի հաղորդմամբ՝ այս խոսքերով Թրամփը կոչ է արել թագավորությանն ավելի շատ վճարել սեփական պաշտպանության համար: «Այդ ինչպե՞ս է ստացվում, որ պաշտպանում ենք հարուստ երկրին և փոխհատուցում չենք ստանում», – ասել է Թրամփը՝ Միսիսիպիում ելույթի ժամանակ:
«Մենք պաշտպանում ենք Սաուդյան Արաբիային: Ի՞նչ եք կարծում՝ նրանք հարուստ չե՞ն: Ես սիրում եմ թագավոր Սալմանին, բայց ես ասում եմ՝ թագավոր, մենք պաշտպանում ենք ձեզ: Առանց մեր պաշտպանության Դուք չեք մնա ձեր տեղում նույնիսկ երկու շաբաթ: Դուք պետք է վճարեք ձեր պաշտպանության համար», -ընդգծել է Թրամփը:
