Լեդի Գագայի և Բրեդլի Կուպերի երկրպագուները անհամբերությամբ են սպասում, թե երբ նրանց մասնակցությամբ «Աստղը ծնվեց» ֆիլմը կհայտնվի կինոթատրոններում: Իսկ առայժմ վայելում են թրեյլերը, նկարահանման կադրերը և հանրության մեջ գլխավոր հերոսների համատեղ «հայտնությունները»:
Սակայն ամենայն հավանականությամբ՝ մարդ կա, ում այս ամենը այնքան էլ դուր չի գալիս. նա Կուպերին սիրահարված և նրա դստեր մայրն է՝ Իրինա Շեյքը:
Վերջին ժամանակներս ցանցում հաճախակի են դարձել Բրեդլիի և Գագայի սիրավեպի մասին խոսակցությունները, և դա զարմանալի չէ: Նրանք միասին շատ ժամանակ են անցկացնում, հարցազրույցների ժամանակ ջերմորեն խոսում միմյանց մասին, միասին նկարահանվում են ֆոտոսեսիաներում և փայլում Կարմիր գորգին:
Այսպես, Լոնդոնում պրեմիերայի ժամանակ Գագան համբուրել է ֆիլմում իր զուգընկերոջը և դա արել է շատ նուրբ և ոչ մեկ անգամ: Հետաքրքիր է՝ ի՞նչ կասի Շեյքը:
