Իսպանական 40 հազար բնակչություն ունեցող Նարոն քաղաքի իշխանությունները, առողջապահական մարմինների աջակցությամբ, կոլեկտիվ նիհարելու նախաձեռնությամբ են հանդես եկել։ Այս մասին գրում է ABC-ն։
Նախագծի նախաձեռնողներից մեկն է եղել բժիշկ Կառլոս Պինյերոն, բացատրելով կոլեկտիվ նիհարելու առաջարկությունը նրանով, որ գնալով ավելի շատ մարդիկ են դադարում ակտիվ կենսակերպ վարել։ Ինքը՝ բժիշկը, ինչպես նաև քաղաքապետը, բնակիչներին օրինակ են ծառայում։
Մասնավորապես, բժիշկը մասնակցում է բնակիչների հետ կոլեկտիվ վազքին։
Իշխանությունների նախաձեռնությանը միացել են նաև Նարոնի ռեստորանները. 18 ռեստորան փոփոխել է իր կերակրացանկը, չնայած նրան, որ տարածաշրջանի խոհանոցում գերակշռում է կարտոֆիլն ու խոզի միսը։ Այժմ այդ ռեստորաններում կարելի է ծովամթերքով, ինչպես նաև կարագի փոխարեն ձիթապտղի յուղով պատրաստված ուտեստներ։
ABC-ի տվյալներով, Գալիսիա ինքնավար համայնքի բնակչության 25%-ը, որտեղ և գտնվում է Նարոն քաղաքը, ավել քաշի խնդիր ունի, ինչը Իսպանիայում ամենավատ ցուցանիշներից է։
