Նավթի համաշխարհային գները երեկ «փլուզվել» են այն բանից հետո, երբ հայտնի է դարձել, որ Միջազգային էներգետիկ գործակալությունը կվաճառի իր պահուստներից մոտ 60 մլն բարել՝ բավարարելու դրանով Լիբիայից մատակարավող նավթի առաքումների դադարեցման հետևանքով առաջացած պահանջարկը:
Այդ խմբաքանակը շուկայում կհայտնվի արդեն հաջորդ ամսվա վերջին: Փորձագետները կարծում են, որ այս որոշումը դժվար թե ունենա երկարատև ազդեցություն, քանի որ նշված պաշարը բավարար է աշխարհին միայն մեկ օրվա սպառման համար: Այս մասին հաղորդում է BBC-ն:
InterContinental Exchange Futures Europe (IСE Futures Europe) էլեկտրոնային բորսայում Brent մակնիշի նավթի գինը նվազել է 6.95 դոլարով՝ կազմելով 107.26 $/բարել, իսկ Նյու Յորքի New York Mercantile Exchange (NYMEX) ապրանքային բորսայում WTI (Light Sweet) մակնիշի նավթի գինն նվազել է 4.39 դոլարով՝ կազմելով 91.02 $/բարել:
