ԵԱՀԿ Ժողովրդավարական հաստատությունների և Մարդու իրավունքների գրասենյակի (ԺՀՄԻԳ) տնօրեն Յանես Լենարչիչն ուրբաթ օրը ԱՄՆ իշխանություններին կոչ է արել փակել Գուանտանամոյի բանտը, որն այսօր նշում է իր բացման 12-րդ տարին: Այս մասին ասվում է ԵԱՀԿ-ի հաղորդագրության մեջ:
«Չնայած Միացյալ Նահանգների՝ բանտը փակելու վերաբերյալ բազմաթիվ խոստումներին՝ այն շարունակում է գործել՝ նշելով իր հերթական տարեդարձը: Միացյալ Նահանգներն իր վրա պարտավորություն է վերցրել ահաբեկչության դեմ պայքարում երաշխավորել մարդու իրավունքների պաշտպանությունը, այդ թվում նաև արդար դատարանի իրավունքը և կալանքի տակ կամայական պահելու արգելքը: Այդ պարտավորությանը հետևելու շարունակվող անհնարինությունը նախագահ Բարաք Օբաման ինքը «ԱՄՆ-ի վարկանիշի վրա բիծ» է անվանել»,- ԵԱՀԿ ԺՀՄԻԳ տնօրենին մեջբերում է РИА Новости-ն:
Լենարչիչի խոսքերով՝ Գուանտանամոյի բանտարկյալները պետք է անհապաղ կանգնեն դատարանի առջև կամ ազատ արձակվեն:
