ՄԱԿ-ի գլախվոր քարտուղար Անտոնիու Գուտերեշը Հայաստանում տեղի ունեցած իշխանափոխությունը ժողովրդի և իշխանության միջև ծագած խնդիրները լուծելու «ֆանտաստիկ» օրինակ է անվանել: Այս մասին նա հայտարարել է Facebook սոցկայքում հարց ու պատասխանի ժամանակ:
«Վերջերս մենք իշխանափոխության ֆանտաստիկ օրինակ ունեցանք, որն ի ցույց դրեցին Հայաստանում»,-ասել է նա:
Նա նաև նշել է, որ դրա շնորհիվ նոր սերունդն ավելի լավ կսկսի որոշումներ կայացնել, քան նախորդը: Գուտերեշի կարծիքով՝ Հայաստանի իրադարձությունները հասարակության համար մեծ նշանակություն ունեն:
Հիշեցնենք, որ ապրիլին Հայաստանում բողոքի ակցիա սկսվեց՝ նախկին նախագահ Սերժ Սարգսյանի վերընտրվելու դեմ: Այդ ֆոնին արդեն մեկ շաբաթ վարչապետի պաշտոնը ստանձնած քաղաքական գործիչը հրաժարական տվեց:
