Կանադայի առողջապահության ոլորտի բարձրաստիճան ներկայացուցիչները հաստատել են Հյուսիսային Ամերիկայում H5N1 թռչնագրիպից մահացության առաջին դեպքը: Այս մասին հայտնում է BBC-ն:
Առողջապահության նախարար Ռոնա Ամբրոզը հայտարարել է, որ դա առանձին դեպք է՝ նշելով, որ ռիսկը բնակչության համար ընդհանուր առմամբ ցածր է:
Նախարարի խոսքով՝ վիրուսից մահացած մարդը բնակվել է կանադական Ալբերտա նահանգում և վերջերս այցելել էր Պեկին:
Մահը վրա է հասել հունվարի 3-ին: Գրիպի առաջին ախտանշանները հայտնվել էին դեկտեմբերի վերջին՝ Պեկինից Վանկուվեր թռիչքի ժամանակ՝ նշել են պաշտոնյաները:
Առողջապահության համաշխարհային կազմակերպության տվյալներով՝ 2003-2013-ի դեկտեմբեր ընկած ժամանակահատվածում 15 երկրներում գրանցվել է H5N1 վիրուսով մարդկանց վարակման 649 դեպք, 384 մարդ մահացել է:
