ԱՄՆ Օհայո նահանգում արագությունը գերազանցելու համար ոստիկանները կանգնեցրել են ոմն Էնդրյու Բոգուսլավսկիի և նրա ավտոմեքենայում հայտնաբերել մի ամբողջ զինանոց:
Հունվարի 1-ի լույս 2-ի գիշերը Կոլամբուս քաղաքից ոչ հեռու ոստիկանները կանգնեցրել են 43-ամյա Բոգուսլավսկիի ավտոմեքենան՝ արագությունը գերազանցելու համար: Փաստաթղթերը ստուգելիս ոստիկանության ախատակիցը հետաքրքրվել է՝ արդյոք նրա մոտ զենք կա՞, թե՞ ոչ, և ստացել բացասական պատասխան՝ գրում է ITAR-TASS-ը:
Դրանից հետո ոստիկանը տուգանք է գրել, իսկ երբ վերադարձել է, վարորդի ծնկներին զենք է նկատել: Նա անմիջապես կանչել է այլ ոստիկանների:
Արդյունքում վարորդը ձերբակալվել է, իսկ ավտոմեքենան՝ հետախուզվել: Ոստիկաններն ավտոմեքենայում հայտնաբերել են 48 ինքնաշեն պայթուցիկ սարք, ինչպես նաև պայթեցնելու համար նախատեսված վահանակ, երկու հրացան և երկու ատրճանակ: Բացի այդ, ավտոմեքենայում եղել են այլ ռումբեր պատրաստելու բաղադրիչ տարրեր:
Ներկայումս քննիչները փորձում են հասկանալ, թե որն էր ամերիկացու նպատակը: Բոգուսլավսկին անձամբ հրաժարվում է մեկնաբանություններից:
