Ավստրալիայի սուպերմարկետներից մեկի նախկին աշխատակցին կասկածում են ելակների մեջ ասեղներ թաքցնելու ու դրանք վաճառելու մեջ։ Արդյունքում տուժել է հատապտղի գնորդներից մեկը, որը պատահմամբ կուլ է տվել ասեղը, գրում է The Sun-ը։
Քվինսլենդում բնակվող 21-ամյա Հոանի Հերնը հասկացել է, որ ելակի մեջ ասեղ է թաքցված եղել միայն այն կուլ տալուց հետո։ Դրանից հետո Հոանին հիվանդանոց է տեղափոխվել որովայնում սուր ծակոցներով։
Ոստիկանությունը հանգել է եզրակացության, որ ասեղը ելակներում պատահաբար չի հայտնվել։ Դրդապատճառը սուպերմարկետի ղեկավարներից վրեժը կարող էր լինել։
Հանցագործի ինքնությունը դեռ պարզված չէ, և վտանգ կա, որ նույն երևույթը կարող է կրկնվել սուպերմարկետի այլ ցանցերում։ Անվտանգության նկատառումներից ելնելով՝ Woolworths սուպերմարկետն այլևս ելակ չի վաճառում։
