«Սասնա ծռեր» կուսակցության նախաձեռնող խմբի համակարգող Ժիրայր Սեֆիլյանն «Առաջին լրատվական»- ի հետ զրույցում անդրադառնալով Ազգային անվտանգության և Հատուկ քննչական ծառայությունների ղեկավարների հեռախոսազրույցի գաղտնալսմանը և դրա հրապարակմանը, ընդգծեց. «Դա հարված է մեր պետականությանը և հայ ժողովրդին, դա նաև արժանապատվության հարց է և մեր ժողովրդի համար վիրավորական է: Սակայն զարմանալի և անսպասելի չէ, քանի որ մենք առայժմ անկախ պետություն չունենք: Այս ամենի դեմը, եթե շուտ չառնվի, այն ինչ տեղի ունեցավ, հավանաբար շղթայի մի օղակն էր, և կարող է շարունակություն ունենալ:
Խանը հեռացվել է, բայց խանական համակարգը մնում է, կշարունակվեն սկանդալային դեպքերն այնքան ժամանակ, քանի դեռ այդ համակարգը չի փշրել: Հնարավոր չէ հեղափոխությունը ավարտին հասցնել նախորդ բռնատիրոջ ստեղծած Սահմանադրությամբ և արժեքներով»:
Սեֆիլայնի խոսքով՝ ռևանշիստական անհեթեթ փորձեր են կատարվում. «Նախկին ռեժիմի պարագլուխները և մեր ժողովրդի հանդեպ ոճրագործություն իրականացրած իշխանավորները երբեք չեն կարող քաղաքականապես վերակենդանանալ,սակայն կարող են ցնցումային, խառնակ վիճակներ ստեղծել»: Սեֆիլյանի դիտարկմամբ՝ դա կանխարգելելու համար առաջին քայլը պետք է լինի խորհրդարանի լուծարումը՝ ժողովրդի կամքի ուժով. «Եվ քանի որ հեղափոխության գծից շեղվողներ կան, պետք է ձևավորվի ժամանակավոր կառավարություն՝ բացառապես կազմված հեղափոխական ուժերի շրջանակներից»:
Ժ. Սեֆիլյանի կարծիքով՝ Քոչարյանի ակտիվացման նպատակը ոչ թե քաղաքականություն վերադառնալն է, այլ «իր կաշին փրկելն է»: «Նամանավանդ այս սկանդալից հետո, ժողովրդի սպասելիքը Ռ. Քոչարյանի և Սերժ Սարգսյանի ձերբակալումն է»,- նշեց մեր զրուցակիցը:
Մանրամասն՝ տեսանյութում:
