Ռեդմոնդում բնակվող ջրմուղագործ Ջոշուա Հորները (ԱՄՆ, Օրեգոն) 2017-ի ապրիլի 12-ին 50 տարվա ազատազրկման է դատապարտվել՝ անչափահասի նկատմամբ սեռական բռնության համար, փոխանցում է «ՌԻԱ Նովոստի»-ն։
Պնդելով, որ անմեղ է, վճռի հրապարակումից կես տարի անց նա դիմել է Oregon Innocence Project հասարակական կազմակերպությանը։ Հորներն ընդգծել է, որ իր դստեր ցուցմունքում (որին դատարանը տուժած է ճանաչել) ոչ միայն անճշտություն, այլև կանխամտածված սուտ կա։
Մասնավորապես՝ աղջիկն ասել է, որ հայրը սպառնացել է սպանել իր սիրելի շանը՝ Լյուսիին, եթե ինքը բողոք ներկայացնի ոստիկանություն։ Աղջկա խոսքով՝ հայրն ի վերջո այդպես էլ արել է։
Հասարակական կազմակերպությունը փնտրել և գտել է Լյուսիին Գերհարթ քաղաքում։ Հորների գործը վերանայվեց այն հիմքով, որ տուժածը կեղծ ցուցմունք է տվել։
Հորներն ազատ կարձակվի, քանի որ նրա դեմ ցուցմունքը մասնակիորեն կեղծ է։
