ԱԺ-ն երկրորդ ընթերցմամբ ընդունեց ՀՀ Քրեական օրենսգրքում փոփոխություններ և լրացումներ կատարելու մասին ՀՀ օրենքի նախագիծը, որով առաջարկվում է քրեական պատասխանատվության ենթարկել ընտրությունների ժամանակ թե՛ կաշառք տվողներին, թե՛ ստացողներին:
ԱԺ փոխնախագահ, ՀՀԿ խոսնակ Էդուարդ Շարմազանովը, անդրադառնալով հարցին, որ թեև շատ էին ՀՀԿ-ականների քննադատությունները, բայց կողմ քվեարկեցին, նշեց, որ դեմ է ինքնանպատակ «դեմ» քվեարկություններին: «Առաջին անգամ չէ, որ այս ԱԺ-ն միաձայն այս կամ այն օրենքն ընդունում է»,- ասաց նա։
Դիտարկմանը, որ նման քայլերով ամեն ինչ անում են, որ խորհրդարանը չինքնալուծարվի՞, Էդուարդ Շարմազանովը նշեց, որ խորհրդարանը չի ինքնալուծարվելու. «Ինձ մոտ տպավորություն է, որ Փաշինյանն է ուզում ամեն ինչ անել, որ խորհրդարանն ինքնալուծարվի, բայց մենք պաշտպանում ենք Սահմանադրությունը»։
Նրա խոսքով՝ հայ-ռուսական հարաբերություններում կան խնդիրներ. «Մենք պետք է ո՛չ թերագնահատենք մեզ, ո՛չ գերագնահատենք։ Մի մասն ասում է՝ ունենք ծովից ծով Հայաստան, մյուս մասն ասում է՝ դե մենք մեզնից ի՞նչ ենք ներկայացնում»։
