Վերջին հինգ տարիների ընթացքում Նիդերլանդներում ծնողներն ավելի հաճախ են սկսել երեխաներին մեքենաներով բերել դպրոց։ Առաջ այդպիսի երեխաները 26% էին կազմում, իսկ հիմա 30%: Եվ այս ամենը չնայած այն հանգամանքին, որ վերջին տարիներին Նիդերլանդների դպրոցներում ավելի հաճախ են գովազդային արշավներ կազմակերպում՝ ի պաշտպանություն աշակերտների հեծանիվներով տեղափոխման։
Հետազոտողների կարծիքով՝ ծնողները հիմա ավելի հաճախ են երեխաներին մեքենայով բերում դպրոց, քանի որ շատացել են այն ընտանիքները, որտեղ երկու ծնողն էլ աշխատում են, և ավելի հարմար է տնից բոլորով դուրս գալը։ Բացի այդ, դեպի դպրոց ընկած ճանապարհը լրացուցիչ ժամանակ է, երբ ծնողները կարող են շփվել իրենց երեխաների հետ։
Սակայն, թե՛ դպրոցները, թե՛ բժիշկները համոզված են, որ երեխաների համար ավելի օգտակար է հեծանվով կամ ոտքով դպրոց հասնելը. դա ավելի լավ է ինչպես նրանց առողջության, այնպես էլ՝ շրջակա միջավայրի համար։
