Գերմանիան շահագրգռված չէ Թուրքիայում տնտեսական իրավիճակի վատթարացմամբ, հայտարարել է Գերմանիայի կանցլեր Անգելա Մերկելը՝ RTL-ին և N-TV-ին տված հարցազրույցում:
«Մենք մեր հետաքրքրություններից ելնելով չէինք գործի, եթե ջանքեր գործադրեինք թուլացնել Թուրքիային»,- ասել է նա:
Մերկելը նշել է, որ Գերմանիան «ռազմավարապես շահագրգռված է», որ Թուրքիան ողջամտորեն զարգանա տնտեսական տեսանկյունից:
Խոսելով երկկողմ հարաբերությունների ներկա վիճակի մասին, Կանցլերը հիշեցրել է, որ Գերմանիայում ապրում է մոտ 3 միլիոն թուրք: Սա հատուկ ձևով կապում է երկու երկրներին, ընդգծել է նա:
Միևնույն ժամանակ Մերկելը խոստովանել է, որ որոշ հարցերում, օրինակ, Թուրքիայում գերմանացի քաղաքացիների ձերբակալման վերաբերյալ, կան «լուրջ անհամաձայնություններ»:
