Այսօր Կառավարության նիստի մեկնարկից առաջ վարչապետի հետ հանդիպում էին պահանջում նաև նախկին սպաները, ովքեր 20 տարի և ավել ծառայել են զինված ուժերում, սակայն առ այսօր բնակարանի հերթում են և չեն ստացել օրենքով իրենց հասանելիք բնակարանները. «Օրենքով պայմանագիր ենք կնքել, 20 տարի ծառայել ենք և դրանից հետո կառավարությունը պարտավոր է սպային ապահովել բնակմակերեսով կամ դրամական փոխհատուցում տրամադրի, բայց ժամկետ չի նշված։ Հիմա 20 տարի և ավել ծառայել ենք, 98 թվականից հերթագրված ենք բնակարանի համար, սակայն այդպես էլ մեր հերթը չի հասնում։ Բայց ինչքան պետք է սպասենք։ Կառավարությունից, ՊՆ-ից պատասխանում են, որ երբ հերթը կհասնի, բյուջեում փող լինի, կհատկացնեն։ Բայց այդպես ինչպես կլինի։ 4000 հոգի են ու նրանց փոխհատուցումը այդքան մեծ բեռ չի լինի բյուջեի վրա»,-ասաց սպաներից մեկը։
Սպաները վարչապետի հետ հանդիպում էին պահանջում, որպեսզի խնդիրը ներկայացնեն և պահանջեն կառավարության արտահերթ նիստով իրենց խնդրին լուծում տրամադրվի։
Առավել մանրամասն՝ տեսանյութում
