Սուրբ ծննդյան տոներին Սանտա Կլաուսի հետ նկարվելն ավանդույթ է, որին հետևում են միլիոնավոր մարդիկ:
Սակայն, ինչպես յուրաքանչյուր գործում, այստեղ ևս կան առաջատարներ: Նրանք են երկու եղբայրները, որոնք վերջին 34 տարիներին նկարվել են Սանտա Կլաուսի հետ՝ հաղորդում է borepanda.com-ը:
Առաջին լուսանկարներում, որոնք նրանք հրապարակել են Reddit-ում, թվում է՝ արտառոց ոչինչ չկա, դրանցում պատկերված է Սանտայի ծնկներին նստած երեխա: Այնուհետև լուսանկարներում հայտնվում է ևս մեկ երեխա, և նրանք սկսում են միասին մեծանալ: Այստեղից էլ հասկացվում է, որ սա ուղղակի խաղ չէ, և տղաները որոշել են դառնալ ամենահետևողականը Սանտա Կլաուսի հետ նկարվելու հարցում:
Չնայած բավականին հասուն տարիքին՝ եղբայրները շարունակում են հետևել այս ավանդույթին և Սանտայի հետ արդեն նկարվում են ոչ միայնակ, այլ իրենց երեխաների հետ:
