Ծանրամարտի Հայաստանի ազգային հավաքականի գլխավոր մարզիչ Արտաշես Ներսիսյանն 1in.am Sport-ի հետ զրույցում նշեց, որ 2013 թվականը նախապատրաստական տարի էր, իսկ 2014-ին կայանալու է Աշխարհի առաջնությունը, որը լինելու է վարկանիշային և ինքը սպասելիքներ ունի մեր հավաքականի ներկայացուցիչներից:
«Տարին նախապատրաստական էր 2014 թվականի համար: Հավաքները կատարել ենք, ամեն ինչ նորմալ էր: 2014-ին վարկանիշային մրցում են լինելու՝ աշխարհի առաջնությունը: Պետք է որ ամեն ինչ լավ լինի: Նախատեսել ենք վարկանիշներ նվաճել 2016 թվականի օլիմպիական խաղերի համար:
Ամբողջ ժողովրդին մեր, սփյուռքահայերին մաղթում եմ առողջություն, խաղաղություն: Մեր ազգը չարչարված ազգ է, թող 2014-ին ուրախությունն ավելի շատ լինի»:
