Թուրքական Radikal թերթի փոխանցմամբ՝ թուրքական Konsensus հետազոտական կենտրոնը հրապարակել է «Թուրքիայի օրակարգ 2011 թվականի մայիս» խորագրով հարցախույզի արդյունքները։ Հարցախույզի գլխավոր թեման վերաբերել է Թուրքիայի կրոնական համայնքների խնդրին։ Հարցախույզի արդյունքները վկայել են, որ ամեն 100 հոգուց 6-ը մուսուլմանական որևէ կրոնական համայնքի անդամ է։
Խոշորագույն կրոնական համայնք են ճանաչվել (ալավիականները չհաշված) Ֆեթուլլահ Գյուլենի շարժման հետևորդները՝ 61.8 տոկոս։ Երկրորդ և երրորդ տեղերն են զբաղեցրել սուլեյմանցիները և մենզիլցիները (16.3-ական տոկոս), ապա գալիս են նախշբանդները (15.2 տոկոս) և իսմայիլիթները (7.3 տոկոս)։
Հիշեցնենք, որ Ֆեթուլլահ Գյուլենը հանդիսանում է իսլամի մասին 60 գրքերի հեղինակ։ Շատերի կարծիքով՝ Էրդողանն իր իսլամական քաղաքականությունը վարելիս հենվում է Գյուլենի գաղափարների վրա։