ԱՄՆ հակահետախուզությունը հայտնաբերել է, որ Մոսկվայի ԱՄՆ դեսպանատանն ավելի քան 10 տարի աշխատող ռուս կինը կարող էր լրտեսությամբ զբաղվել։ Այս մասին հաղորդում է The Guardian-ը՝ հղում անելով հետախուզական ծառայությունների աղբյուրին։
Պարբերականի տվյալներով՝ կնոջը վարձել էր ԱՄՆ հատուկ ծառայությունը և դեսպանատանը աշխատելու ընթացքում նա ազատ հասանելիություն ուներ ինտրանետին և գերատեսչության էլեկտրոնային փոստին, ընդ որում, նա կարող էր գաղտնիացված տեղեկություններ ստանալ, ներառյալ՝ ԱՄՆ նախագահ Դոնալդ Թրամփի և փոխնախագահ Մայք Փենսի օրակարգերը։ Նշվում է, որ ռուս կինը կարող էր հանդիպել ԱԴԾ աշխատակիցների հետ։
Նշվում է, որ կնոջը սկսել են կասկածել 2016 թվականին, սակայն նրան անմիջապես չեն հեռացրել աշխատանքից։ Նրան հեռացրել են 2017 թվականի ամռանը, մոտավորապես այն ընթացքում, երբ մի շարք ամերիկյան դիվանագետներ հետ կանչվեցին՝ նոր հակառուսական պատժամիջոցներ մտցնելուց հետո։
«Գաղտնի ծառայությունը փորձել է թաքցնել խախտումը, նրան ազատելով <…>, միայն մանրամասն հետաքննությունը կկարողանա պարզել, թե ինչ վնաս է նա հասցրել»,– ընդգծել է պարբերականի աղբյուրը։
