«Հայ ժողովուրդը վաղուց ընկճախտի մեջ էր: Բոլորը մտածում էին երկրից գնալու մասին. դա ազգի համար սուիցիդ է: Մարդկանց տալ կյանքի իմաստ, որպեսզի նրանք չմտածեն ինքնասպանության մասին. դա ամենաբարդ աշխատանքն է: Մարդիկ չէին հավատում, որ լավ կլինի, ու մի քանի օրվա ընթացքում հեղափոխությունը մի ողջ ազգի, համայն հայությանը դուրս բերեց ընկճախտից ու ասաց, որ կյանքում գոյություն ունեն իմաստներ, լավ բան, հույս: Հեղափոխությունը եղավ և համոզեց»,- «Առաջին լրատվական»- ի զրույցում այս մասին ասաց մոսկվաբնակ սոցիոլոգ-հոգեբան Զառա Հարությունյանը:
«Մենք ապրում ենք էյֆորիա, բայց դա անցնում է, էյֆորիան առավելագույնը մեկ տարի կարող է տևել: Բարձր զգացմունքները չեն կարող երկարատև լինել… Մարդկանց սպասելիքները շատ մեծ են»,- նշեց Զ. Հարությունյանը:
Հոգեբանի կարծիքով՝ Փաշինյանը գաղափարների մարդ է, նա չի ստում ո՛չ գիտակցաբար, ո՛չ անգիտակցաբար, և ունի շանս գաղափարներն իրականացնելու:
Հոգեբանի դիտարկմամբ՝ մարդիկ կարող են խարիզմատիկ ծնվել, կարող են և դառնալ այդպիսին՝ դերասանի նման խաղալով: Նրա կարծիքով՝ մարդու անցած ճանապարհը ևս շատ մեծ կապ ունի: Հոգեբանի գնահատմամբ՝ Նիկոլ Փաշինյանը կլասիկ խարիզմատիկ առաջնորդ է:
Մանրամասն՝ տեսանյութում: