Աշխարհի փոխչեմպիոն ֆուտբոլի Խորվաթիայի հավաքականի գլխավոր մարզիչ Զլատկո Դալիչը հանդես է եկել հայտարարությամբ որը մեծ արձագանք է ստացել ամբողջ աշխարհում:
Նա Խորվաթիայի իշխանություններին կոչ է հավաքականի հաջողությունները չօգտագործել սեփական վարկանիշը բարձրացնելու նպատակով:
«Դիմում եմ բոլոր չինովնիկնրին և իշխանության ներկայացուցիչներին, որոնք մարդկանց հասցրել են տառապանքի ու հիասթափության. հեռու մնացեք Խորվաթիայի հավաքականից: Ոչ ոք ձեզ ազգային հավաքականի հանդերձարան չի հրավիրելու, մենք չենք ուզում լուսանկարվել կամ ինչ-որ կերպ համագործակցել ձեզ հետ: Հենց դուք եք Խորվաթիան դարձրել Եվրոպայի ամենախեղճ երկրներից մեկը:
«Ֆուտբոլիստների այս սերունդը ցույց տվեց, որ թիմը կարող է հաջողության հասնել՝ անկախ երկրից, որին պատկանում է, բյուջեից ու ստադիոններից:
Ես այս տողերը գրում եմ Խորվաթիայում ծանր վիճակի պատճառով: Այս Եվրամիության ամենախեղճ երկիրն է, և այն կառավարում են մարդիկ, որքեր կապ ունեն հանցավոր կազմակերպության հետ: Խորվաթիան երկիր է, որը վերջին 20 տարիներին 20 միլիոն մարդ է լքել: Այսօր երկրում բազմաթիվ մարդիկ չեն կարողանում բավարարել իրենց տարրական պահանջմունքները, երիտասարդները չեն կարողանում իրենց թույլ տալ վճարել կրթության համար, առողջապահական համակարգը աչքի առաջ քանդվում է, իսկ իրավական համակարգը կոռուպացված է:
Մենք ունենք երեխաներ, ովքեր քաղցած են, քանի որ նրանց ծնողներն աշխատանք չունեն: Ունենք երեխաներ, որոնք կյանքում չեն տեսել Ադրիատիկ ծովը, թեպետ ավելի քան 1000 կմ առափնյա տարածք ունենք:
Նրանք, ովքեր այդպիսի բաներ են անում երկրի հետ, չեն ողջունվում մեր հանդերձարանում: Խնդրում եմ, հարգեք մեր որոշումը, մի կրեք հավաքականի մարզաշապիկն ու մեր հաջողությունը մի օգտագործեք ձեր իմիջը բարձրացնելու համար», – հայտարարել է Դալիչը:
