«Մենք պատրաստ ենք արտահերթ ընտրություններին»,- լրագրողների հետ զրույցում ասաց Երևանի ավագանու «Երկիր ծիրանի» խմբակցության ղեկավար Զարուհի Փոստանջյանը՝ հավելելով, որ «Երկիր ծիրանի»-ն մասնակցելու է ընտրություններին, և ինքը լինելու է քաղաքապետի թեկնածուն:
Ինչպես հայտնի է, ՀՀԿ և «Ելք» խմբակցությունները հայտարարել են, որ իրենք չեն մասնակցելու ավագանու նիստին՝ ըստ էության բոյկոտելով այն, և մնում է միայն ավագանին լուծարելու սցենարը: Հարցին՝ ձեզ համար սպասելի՞ էր այս զարգացումը, Զարուհի Փոստանջյանը պատասխանեց. «Ինձ համար ամեն ինչ է սպասելի»:
Տիկին Փոստանջյանի խոսքով՝ իրենք գալիս են քաղաքը ազատագրելու և կառուցելու:
«Մեծ համահայկական ընդվզումը պետք է ունենա իր տրամաբանական առաջին հանգրվանը. դա, իհարկե, ՀՀԿ-ի դատապարտումն է և այդ կուսակցությանը քաղաքական ու իրավական գնահատական տալը»,- նշեց Զարուհի Փոստանջյանը:
Մանրամասները՝ տեսանյութում:
