ԱՄՆ պաշտպանության նախարարի միջազգային անվտանգության հարցերով տեղակալ Ալեքսանդր Վերշբոուն Ռուսաստանին կոչ է արել կատարել հրադադարի վերաբերյալ 2008թ. օգոստոսի 12-ի համաձայնագիրը: Այդ մասին այսօր հաղորդել է «Ռուսթավի-2» հեռուստաընկերությունը:
«Ռուսաստանը պետք է կատարի հրադադարի վերաբերյալ համաձայնագիրը, եւ Վաշինգտոնը դրա համար անում է ամեն ինչ»,- նշել է Վերշբոուն Ջոն Հոփքինսի անվան համալսարանում ունեցած ելույթի ընթացքում: «Մենք շարունակում ենք ճնշում գործադրել Ռուսաստանի վրա, որպեսզի նա կատարի հրադադարի վերաբերյալ համաձայնագիրը»,- նշել է Վերշբոուն, հավելելով, որ «հակամարտությունները չեն կարող լուծվել ռազմական ճանապարհով»: Նրա խոսքով, «ԱՄՆ-ը պաշտպանում Է ՆԱՏՕ-ին Վրաստանի ինտեգրումը», հայտնում է Rosbalt-ը: