Վկային հարցաքննության կանչելու, վկային հարցաքննելու ընթացակարգերը հստակ սահմանազատված են քրեական դատավարության օրենսգրքով, տեսակապով, տեսազանգով, որևէ այլ եղանակով հարցաքննելու հնարավորություն օրենսգիրքը չի նախատեսում, կառավարությունում լրագրողնրի հետ զրույցում ասաց ՀՔԾ պետ Սասուն Խաչատրյանն՝ անդրադառնալով ՀՀ երկրորոդ նախագահ Ռոբերտ Քոչարյանին հարցաքննության հրավիրելուն:
Նա ասաց, որ կսպասեն մինչև հուլիսի քսանհինգը, որպեսզի ՀՀ երկրորդ նախագահը ներկայանա ՀՔԾ:
Ինչ վերաբերում է հարցազրույցը տեսաձայնագրելուն, իսկ հետո, ըստ անհրաժեշտության, այն հրապարակելուն, նա ասաց. «Դա վարույթն իրականացնող մարմինն է որոշում, կքննարկվի»:
Անդրադառնալով Միքայել Հարությունյանի մեղադրանքի վերավորակման հնարավորությանը՝ նա ասաց, որ իր կարծիքը հայտնել է այդ մասին և այն չի փոխել:
