Մթերքներ, որոնք խոչընդոտում են կնճիռների առաջացմանը․ գիտնականներ

Գիտնականները կնճիռների դեմ պայքարի արդյունավետ միջոց են գտել, որը բոտոքսի ներարկումներ չի պահանջում։ Մասնագետները մի քանի մթերք են թվել, որոնք խոչընդոտում են դրանց առաջացմանը։

Այսպես, նախևառաջ սննդակարգում պետք է կարմիր ձուկ ներառել, որը հարուստ է Օմեգա-3 ճարպաթթուներով։ Պետք է նաև օգտագործել կիվի, որը նպաստում է մաշկի համար օգտակար կոլագենի արտազատմանը։ Հարթ մաշկը կարող է պահպանել նաև կոճապղպեղը։

Կոլագենի արտազատության համար օգտակար են նաև դդումը և արևածաղիկը։ Պետք է նաև ընկուզեղեն օգտագործել, որը վիտամին E է պարունակում։