ՌԴ պետդումայի պատվիրակությունը՝ պետդումայի խոսնակ Վյաչեսլավ Վոլոդինի գլխավորությամբ, հունիսի 24-25-ին պաշտոնական այցով Ադրբեջանում է գտնվում: Այս մասին փոխանցում է ՌԻԱ Նովոստին։
«Անթույլատրելի է ԼՂ հակամարտության գոտում իրավիճակը լարելը: Լեռնային Ղարաբաղի հարցերը չեն կարող չհուզել մեզ: Դուք գիտեք, որ Ռուսաստանը կողմ է այս հակամարտության խաղաղ կարգավորմանը:
Բոլոր նրանք, ովքեր կողմ են հարաբերությունները սրելուն, նրանք, ովքեր չեն լսում խաղաղության պայմաններում ապրել ցանկացող ժողովրդի ձայնը, իհարկե, շարժվում են լարվածության ուղիով: Մենք պետք է անենք ամեն ինչ այդ ուղին կանխելու համար, և, այս առումով, Ադրբեջանը միշտ ունեցել է ճիշտ և կառուցողական դիրքորոշում Լեռնային Ղարաբաղի հարցում»,-հայտարարել է ռուսաստանցի պաշտոնյան։
