Այսօր՝ հունիսի 19-ին, ԱԺ-ում հրավիրված արտահերթ նիստում քննարկվում է Զինվորական ծառայության և զինծառայողի կարգավիճակի մասին օրենքում փոփոխություններ կատարելու մասին օրինագիծը:
Պաշտպանության նախարարի տեղակալ Գաբրիել Բալայանին դիմելով՝ «Ծառուկյան» խմբակցության պատգամավոր Գևորգ Պետրոսյանը խնդրեց հստակեցնել. «Սեքսուալ գործողությունների համար դատապարտված անձը ազատվո՞ւմ է պարտադիր զինվորական ծառայությունից»:
Պատգամավորի խոսքով՝ մենք սրանով ի՞նչ ենք խրախուսում մեր երկրում:
Ի պատասխան՝ պաշտպանության փոխնախարարն ասաց՝ նրանց հակասոցիալական վարքը շատ ավելի հետևանքներ է ունենում, եթե մենք նրանց զորակոչում ենք բանակ:
Գևորգ Պետրոսյանի կարծիքով, սակայն, ցավոք սրտի, կգտնվեն մարդիկ, ովքեր կգերադասեն այդ հանցատեսակներով դատապարտվել, քան կատարել իրենց սահմանադրական պարտականությունը. «Այդ տիպի մարդիկ պետք է և՛ դատապարտվեն, և՛ որևէ եղանակով մասնակցեն հայրենիքի սահմանների պաշտպանությանը»:
Մանրամասները՝ տեսանյութում:
