Ճապոնական խանութներում ընթանում է մանրածախ առևտրում ռազմավարական ամենակարևոր գործընթացներից մեկը` «երջանկության պարկերի» վաճառքը: Պարկերը Ճապոնիայի բոլոր խանութներում սկսում են վաճառել հունվարի 1-ի առավոտյան, գնորդները դեկտեմբերի 31-ից հերթ են կանգնում` հաղորդում է ITAR-TASS-ը:
Այս ակցիայի էությունն այն է, որ ճապոնացիներն իրականում գնում են կատու, որը գտնվում է պարկի մեջ, այն կոչվում է ֆուկուբուկուրո:
Վաճառողը ոչ մի դեպքում չի ասի` ինչ է գտնվում պարկում, կարող է միայն բացահայտել ապրանքի տեսակը` կոսմետիկա, անկողնային սպիտակեղեն, գործիքներ: Սակայն մի պայման կատարվում է անխախտ կերպով. «երջանկության պարկում» գտնվող ապրանքի գինը գնորդի վճարածից ավելի բարձր պետք է լինի: Օրինակ՝ այդ պարկերից մեկում կարող է լինել մոտ 200 հազար դոլար արժողությամբ մատանի և շղթա կամ թանկարժեք ժամացույց, հանգստի ուղեգիր և այլն:
Այս ակցիան ռազմավարական է այն առումով, որ խանութները վաճառքի առաջին օրը ստանում են տարվա ընթացքում ամենաշատ եկամուտը:
