Նորվեգիան խնդրել է հարևան Շվեդիային՝ իրեն բանտային տարածքներ տրամադրել վարձակալությամբ: Երկիրն այդ կերպ մտադիր է վերջ դնել խցերի դեֆիցիտին, ինչի պատճառով ոստիկանությունը ստիպված է լինում ազատ արձակել հանցագործներին: Այս մասին հայտնում է The Local-ը:
Նորվեգիայի ոստիկանության տվյալներով՝ ներկայումս երկրում առկա է 1200 հանցագործների տեղավորման խնդիր:
Նորվեգիայի արդարադատության նախարար Անդերս Անունդսենը բանտային տարածքների վարձակալման մասին առաջարկն ուղարկել է շվեդ գործընկեր Բեատրիս Ասկին: Դա ժամանակավոր է՝ ընդգծել է նախարարը: Հետագայում հարցը կլուծվի բանտերի կառուցմամբ:
Տեղի ԶԼՄ-ների փոխանցմամբ՝ գործարքի մեկնարկը կարող է տրվել արդեն 2014-ին:
Նորվեգիան առաջին երկիրը չէ, որ նման խնդրանքով դիմում է Շվեդիային: 2010-ին Բելգիան այնտեղ է ուղարկել իր 500 քաղաքացու՝ վճարելով 30 մլն եվրո:
