Ուկրաինական ընդդիմության առաջնորդները հայտարարել են, որ ցուցարարները պետք է առանց դիմադրության նահանջեն բարիկադներից և չենթարկվեն սադրանքների: Այս մասին հայտնում է տեղի Հանրային հեռուստաալիքը, որն ուղիղ հեռարձակում է իրականացնում իրադարձությունների վայրից:
Ընդդիմությունն ընդգծել է, որ Անկախության հրապարակում խաղաղ հանրահավաք է անցկացվում:
Այդ ժամանակ «Բերկուտ» հատուկ ստորաբաժանման մարտիկները ջարդել են Ինստիտուտսկի փողոցից Անկախության հրապարակ տանող հատվածի բարիկադը: Կոմունալ ծառայությունների աշխատակիցները բարիկադները լցնում են ինքնաթափ բեռնատարների մեջ: Ներքին զորքերը սկսել են հեռացնել Կիևի քաղաքապետարանի շուրջ տարերայնորեն կանգնեցված ցանկապատը:
«Բերկուտը» նեղ օղակի մեջ է առել ցուցարարներին՝ հեռացնելով նրանց երթևեկելի հատվածից:
