Ավտրալիական Քվինսլենտ նահանգում փրկել են Հարավային Կորեայից ժամանած զբոսաշրջիկին, որը կորել էր մացառներում; Նա ստիպված է եղել վեց օր դիմանալ առանց ջրի և սնունդի,– գրում է Brisbane Times պարբերականը։
25-ամյա Չժուհի Հանը միայնակ արշավի է մեկնել դեպի Թայսոն լեռը։ Նա պետք է այնտեղ հասներ ունիսի 1-ին։ Դրանից մեկ օր առաջ նա սուպերմարկետ է մտել։ Դրանից հետո նրան ոչ ոք չի տեսել։ Հունիսի 6-ին անհանգստացած ընկերները ոստիկանություն են դիմել և հայտնել նրա անհետացման մասին։
Կորած զբոսաշրջիկին գտնելու համար գործի են դրվել քաղաքացիական և ռազմական ուղղաթիռները։ Օպերացիային նաև 20 զինվորական և 14 կամավոր–փրկարար է մասնակցել։ Զինվորների և ոստիկանների խումբը ուղևորվել է դեպի այն մացառները, որտեղ հունիսի 2-ին ձայներ են լսվել, և հայտնաբերել են կնոջը դժվարամատչելի ձորում։
Պարզվել է, որ Հանը բարձրացել է սարի վրա, սակայն պոկվել է, ընկել և կորցրել գիտակցությունը։ Հինգ ժամից նա ուշքի է եկել արդեն ներքևում։ Նա մագլցել է մացառների միջով, մինչև որ հասել է ջրվեժով ձորին։ Այնտեղ նա վեց օր օգնության է սպասել։ Նա ոչ ուտելիք է ունեցել, ոչ հագուստ, որ կտաքացներ իրեն գիշերները, երբ ջերմաստիճանը մինչև տաս աստիճանի էր հասնում։
Փրկարարները չեն կարողացել ցամաքով հասնել Հանին, այդ պատճառով էլ նրան ձորից ուղղաթիռի օգնությամբ են հանել։ Ի զարմանս փրկարարների՝ կինը միայն ջրազրկված է եղել և թեթև վնասվածքներ է ստացել։ Ըստ բժիշկների՝ հավանականությունը, որ ինչ որ մեկը այդ պայմաններում վեց օր կարող էր ողջ մնալ, գրեթե զրոյական է եղել։
