Բուլղարիայում մահվան են դատապարտել հղի կովին, որն անօրինական հատել էր Եվրամիության սահմանը։
Պենկա անունով կենդանին արածել է Կոպիլովցի բուլղարական գյուղում։ Մի որոշ ժամանակ անց նա հասել է բուլղարա–սերբական սահմանին և լքել է Եվրամիության տարածքը։ Պենկային հայտնաբերել է տեղի ֆերմերներից մեկն ու ավելի ուշ վերադարձրել տիրոջը։ Սերբ անասնաբույժն ասել է, որ կենդանին լիարժեք առողջ է։ Սակայն Բուլղարիայի իշխանությունները հայտարարել են, որ կենդանին անօրինական է հատել պետական սահմանը և օրենքի համաձայն նրան պետք է քնեցնել։ Այս որոշումը բողոքարկել է կովի տերը։ Նա վրդովվել է, որ Պենկային ոչ ոք չի կանգնեցրել, քանի որ անհնար է չնկատել, որ կենդանին սահման է հատում։ Եվ բացի այդ, երեք ամսից կովը պետք է ծննդաբերեր։
Ինչպես հայտնում է գործակալությունը՝ իշխանության ներկայացուցիչները հայտնել են, որ պաշտպանել Պենկային ԵՄ օրենքներից իրենք չեն կարող։ «Դա մեզանից կախված չէ։ Մենք ենթարկվում ենք Բրյուսելի հրամաններին»,– ասել է բուլղարական անասնաբուժական ծառայության ներկայացուցիչը։
