Վրաստանի Սահմանադրական դատարանի նախագահ Գեորգի Պապուաշվիլին ընտրվել է Վենետիկի հանձնաժողովի ղեկավար մարմնի՝ բյուրոյի անդամ, հայտնում է trend.az-ը:
Ինչպես լրագրողներին հայտնել է Պապուաշվիլին, Վենետիկի հանձնաժողովի բյուրոյի մեջ մտնում է նախագահն ու 7 անդամ, որոնք ընտրվում են 2 տարով ու կարող են վերընտրվել այդ ժամկետի լրանալուց հետո:
Առաջին անգամ է Վրաստանի ներկայացուցիչն ընտրվում այդ հանձնաժողովի անդամ: Վենետիկի հանձնաժողովն ունի ընդամենը 59 անդամ երկիր (Վրաստանը դրա կազմում է 1999-ից):
97-րդ նիստում Ջանի Բուկիկիոն ընտրվել է Վենետիկի հանձնաժողովի նախագահ: Ինչպես հայտնել է Պապուաշվիլին, կազմակերպության նորանշանակ նախագահը Վրաստան կայցելի 2014թ. հունվարին:
Գեորգի Պապուաշվիլին Վենետիկի հանձնաժողովի անդամ է 2007-ից: