ԱՄՆ նախագահ Դոնալդ Թրամփը Սպիտակ տանը կայացած մամուլի ասուլիսի ժամանակ անդրադարձել է Թուրքիայում կալանավորված ամերիկացի քահանա Էնդրյու Բրանսենին, գրում է ahvalnews.com-ը։
Թրամփ նշել է, որ հարցն իրենց համար օրակարգային է և վստահություն է հայտնել, որ ԱՄՆ քաղաքացի քահանային Թուրքիայում առաջադրված մեղադրանքները տեղին չեն։
«Նա հիասքանչ քրիստոնյա հոգևորական է։ Ասում են, թե նա լրտես է, բայց դա այդպես չէ։ Էնդրյու Բրանսոն, հուսով եմ՝ կարող եք լսել մեզ։ Մենք օգնության ենք կհասնենք։ Այդ նպատակով արդեն երկար ժամանակ է, ինչ աշխատում ենք։ Նա իսկապես անմեղ է, և մենք բոլորս էլ աշխատելու ենք, որպեսզի նա ազատ արձակվի», – ասել է Թրամփը։
Հիշեցնենք, որ ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր, որ պատրաստ է ազատել շուրջ 1 տարի առաջ ձերբակալված Էնդրյու Բրանսոնին, եթե ԱՄՆ-ը փոխարենն արտահանձնի Փենսիլվանիա նահանգում ապրող Ֆեթուլլահ Գյուլենին:
Բրանսոնն ու նրա կինը, որոնք Իզմիրում ղեկավարում էին քրիստոնեական եկեղեցի, կալանավորվել են անցյալ տարեվերջին՝ միգրացիոն օրենսդրության խախտման մեղադրանքով:
Ավելի ուշ հոգևորականին մեղադրանք է առաջադրվել «Քրդստանի աշխատավորական կուսակցություն», ինչպես նաև Թուրքիայում հեղաշրջման փորձի համար մեղադրվող թուրք կրոնական քարոզիչ Ֆեթուլլահ Գյուլենի «Հիզմեթ» խմբավորման հետ կապեր ունենալու համար:
Նրան սպառնում է մինչև 35 տարվա ազատազրկում:
