Ֆիլիպինների պատմության ընթացքում ամենակործանարար սուպերթայֆունի հետևանքով զոհերի թիվը հասել է 5 հազար 796-ի, անհետ կորած է համարվում շուրջ 1800 մարդ: Այս մասին հաղորդում է RIA Novosti-ն՝ վկայակոչելով արտակարգ իրավիճակների կառավարման ազգային խորհրդի տվյալները:
Հաղորդվում է, որ թայֆունի հետևանքով վիրավորվել է ավելի քան 27 հազար մարդ: Բնական աղետից այս կամ այն աստիճանի տուժել են ավելի քան 12.2 միլիոն ֆիլիպինցիներ: Շուրջ 4 միլիոնը զրկվել է կացարանից, ընդ որում` տարհանման կենտրոններում այս պահին ապաստան է գտել միայն 104 հազար մարդ:
Թայֆունն ամբողջությամբ ոչնչացրել է 600 հազար տուն, վնասել է ավելի քան 610 հազարը: