Հայտնի են դարձել այն ֆիլմերը, որոնք մասնակցելու են «Օսկար» մրցանակաբաշխությանը «Լավագույն տեսողական էֆեկտներ» անվանակարգում՝ հայտնում է filmpro.ru-ն:
Շորթ լիստում հայտնվել է 10 ֆիլմ, որոնց թվում են Marvel ստուդիայի 2 ֆիլմեր, Ջ. Ջ. Աբրամսի, Գիլյերմո դել Տորոյի ու Փիթեր Ջեքսոնի բլոկբաստերները: Մրցանակի հավակնորդների 5 վերջնական ֆիլմերի անվանումները հայտնի կդառնան 2014թ. հունվարի 16-ին:
«Օսկար-2014»-ի բոլոր հավակնորդների անունները կհրապարակվեն 2014թ. հունվարի 16-ին, իսկ արարողությունը տեղի կունենա մարտի 2-ին:
Անցած տարի «Լավագույն տեսողական էֆեկտներ» անվանակարգում մրցանակը տրվել էր «Պիի կյանքը» ֆիլմի վրա աշխատած մասնագետներին:
Եվ այսպես, շորթ լիստում են հայտնվել «Z աշխարհների պատերազմը», «Ձգողականություն», «Երկաթե մարդը-3», «Էլիզիում», «Օբլիվիոն», «Միայնակ ռենջերը», «Սթարթրեք. Վրեժ», «Խաղաղօվկիանոսյան արտասահման», «Թոր-2. Խավարի արքայություն», «Հոբիթ» ֆիլմերը:
