Հայաստանյան իշխանությունները շարունակում են և, և-ի քաղաքականություն վարել, սակայն գերապատվությունը տալով Մաքսային միությանը՝ առաջին հերթին մտածում են ազգային անվտանգության մասին: Այսօր կայացած մամուլի ասուլիսի ժամանակ նման տեսակետ հայտնեց ՀՀԿ պատգամավոր Սուքիաս Ավետիսյանը:
«Վիլնյուսյան գագաթնաժողովում առաջընթաց նկատեցի այն առումով, որ հայտարարվեց՝ Հայաստան-ԵՄ հարաբերությունների խորացման ուղղությամբ»,- ասաց նա:
Ասուլիսի մյուս բանախոս՝ ԳԽ պատգամավոր Ազատ Արշակյանն իր հերթին նկատեց, որ Ռուսաստանը Ուկրաինան, Վրաստանը և Հայաստանը դատապարտված են դաշնակից լինելու:
«Նապոլեոնն ասում էր` աշխարհագրությունը ճակատագիր է: 90 թվականից ռուս-ուկրաինական հակամարտություն կա՝ լեզվի, ապրանքների բլոկադա և այլն: Հակամարտության խարույկը նրանց միջև միշտ վառ է եղել: Նրանք միշտ պայքարի սահմանի վրա են եղել»,- հիշեցրեց նախկին պատգամավորը:
ԳԽ պատգամավորի խոսքով՝ Հայաստանը որբ, աղքատ ազգական չէ, քանի որ աշխարհագրական լավ դիրք ունի, և նրա համար պայքար է գնում:
«Հայաստանի համար պայքարող ուժերը լուրջ ռեսուրսներ են այստեղ ներդնում: Ռուսաստանին թվում էր, թե մենք սողալով գնալու ենք Կրեմլ, սակայն Պուտինը տեսավ, որ նման բան չեղավ: Չհանձնվեցինք, վերագրավեցին մեզ: Ռուսաստանը պյուրոսյան հաղթանակ տարավ այս պայքարում, և մեզ վասալ դարձնելով` նա շատ թանկ է վճարելու»,- ասաց Ազատ Արշակյնաը:
Ամփոփելով՝ նախկին քաղաքական գործիչը նկատեց, որ ինքը հեղինակություն է համարում վարչապետ Տիգրան Սարգսյանին և Շավարշ Քոչարյանին, ովքեր հակասելով ժամանակ առաջ արած իրենց հայտարարություններին՝ կողմ արտահայտվեցին ՄՄ-ին անդամակցությանը:
Լուսանկարը` PanARMENIAN Photo-ի
