Գերմանիայում Daimler ավտոարտադրող գործարանի առնվազն 27 աշխատակից տուժել է քիմիական նյութերի արտահոսքի պատճառով՝ հաղորդում է Spiegel պարբերականը:
Պատահարը տեղի է ունեցել երեքշաբթի երեկոյան Էսլինգեն նա Նեկարե քաղաքում՝ Շտուտգարտից ոչ հեռու: Ոստիկանության տվյալներով՝ գործարանի տարածքում, որտեղ տեղակայված է մաքրման սարքը, տեղի է ունեցել քիմիական ռեակցիա, որի պատճառը հայտնի չէ:
Պարբերականի տվյալներով՝ պատահարի պահին գործարանում 56 մարդ է եղել: Տուժածները շնչուղիների այրվածքներ են ստացել: Նրանց մեծ մասին օգնություն է ցուցաբերվել տեղում, երեք մարդ տեղափոխվել է հիվանդանոց, սակայն նրանց կյանքին ոչինչ չի սպառնում:
