Sheep Marketplace («Ոչխարի շուկա») ինտերնետ-խանութի օգտատերերն անանուն ցանցի Tor գոտում կորցրել են 40 մլն դոլար բիտկոին թվային արժույթով, որ գողացել է ինտերնետ-ռեսուրսի անանուն տերը, հայտնում է russian.rt.com-ը:
Sheep Marketplace-ը եղել է խոշորագույն ինտերնետ-բորսա, որը կատարել է անօրինական ապրանքների առևտուր, ներառյալ՝ տարբեր տեսակի թմրամիջոցներ:
Այն բացվել էր, երբ Հետաքննությունների դաշնային բյուրոն փակեց Silk Road ինտերնետ խանութը, որը ևս արգելված ապրանքներ էր վաճառում:
Նոյեմբերին ցանցում հայտնվեց ևս մեկ խանութ, սակայն «Ոչխարի շուկան» դիմացավ մրցակցությանը ու շարունակեց գոյությունը:
Վերջերս վիրտուալ շուկայի տերը հայտարարեց ինտերնետ խանութը փակելու մասին ու անհետացավ: Տուծած օգտատերերը հայտնում են, որ ռեսուրսի տերը կարող է լինել ինչ-որ Տոմաշ Չեխիայից:
40 մլն դոլարի գողությունը խոշորագույնն է 2009-ին ինտերնետում հաշվարկների համար ստեղծված բիտկոին թվային տարադրամի պատմության մեջ: