Մալաթիա-Սեբաստիա վարչական շրջանի Մոնթե Մելքոնյանի անվան համար 11 դպրոցի մի խումբ ուսուցիչներ պնդում են, որ տնօրենը «Իմ քայլը» շարժմանը միացած ուսուցիչներին սպառնացել է աշխատանքից հեռացնել: Աշակերտները, ծնողները, նաև ուսուցիչները դպրոցի մոտ ցույց են անցկացրել` պահանջելով տնօրենի հրաժարականը:
Դպրոցի ՀՀԿ-ական տնօրեն Ռուզաննա Ազիզյանը նախ հրաժարվեց պարզաբանում տալ կատարվածի մասին, այնուհետև համաձայնեց խոսել լրագրողների հետ․ «Ես զարմացած եմ այս իրավիճակից, ես իմ աշակերտներին այդպես չեմ տեսել, ես նրանց աչքերում ատելություն չեմ տեսել։ Սա կազմակերպված էր, այն, ինչ կազմակերպվեց մեր վարչապետի դեմ, շարունակությունը հիմա դպրոցներով է գալիս»։