Երևանի Կենտրոն ոստիկանություն բերման են ենթարկվել նաև Լալա Ասլիկյանը, «Բաց հասարակություն հիմնադրամներ-Հայաստան» կազմակերպության աշխատակից Լաուրա Գևորգյանը, այստեղ են նաև Վարդգես Գասպարին և ևս երկու քաղաքացիական ակտիվիստներ՝ Սևակը և Դանիելը:
Իրավապաշտպան Արթուր Սաքունցը քիչ առաջ դուրս եկավ ոստիկանության բաժնից: «Առաջին լրատվական»-ի հետ զրույցում նա նշեց, որ այս քայլով փորձում են խափանել քաղաքացիների ակցիան, սակայն ակցիան կայացավ, և սա ցույց տվեց, որ Սերժ Սարգսյանը չի կարող հայ ժողովրդի անունից Մաքսային միությանը անդամակցելու հայց ներկայացնել:
Այն, որ Պուտինը նույնիսկ չմասնակցեց հայ-ռուսական «Միասնության խաչ» հուշարձանի բացմանը, իրավապաշտպանը գնահատեց որպես արհամարհանք՝ ասելով, թե Պուտինը ժամանում է Գյումրիում տեղակայված 102-րդ ռուսական ռազմաբազա, ոչ թե Երևան, այսինքն՝ իրեն հետաքրքրում է իր ռազմաբազան:
Լուսանկարը` PanARMENIAN Photo-ի
