Կոտայքի մարզի ընդհանուր իրավասության դատարանում սկսվում է Անահիտ Ն.-ի գործի դատավարությունը:
Ըստ մեղադրանքի՝ 2013 թվականի սեպտեմբերի 11-ին, ժամը 12-ի սահմաններում 25-ամյա Անահիտը պարտքով գումար խնդրելու նպատակով գնացել է համագյուղացի Լիանայի տուն:
Դուռը թակել է, ներսից ձայն չի եղել: Անահիտը մտածել է, թե իր թակոցը չեն լսում, բացել է փականով չփակված դուռը, ներս է մտել ու տեսել, որ տանը մարդ չկա: «Նրա մոտ առաջացել է ինչ-որ բան գողանալու նպատակ: Հյուրասենյակի պահարանի դարակից նա գաղտնի հափշտակել է ոսկե և այլ զարդեր՝ տանտիրուհուն պատճառելով 450 հազար 500 դրամի վնաս»:
Անահիտին մեղադրանք է առաջադրվել ՀՀ քրեական օրենսգրքի 177 հոդվածի 1-ին մասով:
