«Ինտեր»-ի գլխավոր մարզիչ Վալտեր Մացարին ցանկանում է հզորացնել իր թիմը ձմեռային տրանսֆերային պատուհանի ժամանակ: Մասնագետի ուշադրության կենտրոնում է ՊՍԺ-ի հարձակվող Էզեկիլ Լավեսին, ում հետ միասին նա աշխատել է «Նապոլի»-ում:
Արգենտինացի ֆուտբոլիստը նույնպես դեմ չի լինի «Ինտեր» տեղափոխությանը, քանի որ այնքան էլ լավ չի զգում իրեն Ֆրանսիայում:
Սակայն ՊՍԺ-ն դեռևս մտադիր չէ հրաժարվել Լավեսիի ծառայություններից և նրա փոխարեն «Ինտեր»-ին առաջարկում մեկ այլ ֆուտբոլիստի` Ժերեմի Մենեզի տրանսֆերը, ում ծառայություններից Լորան Բլանն այլևս չի պատրաստվում օգտվել:
