ԱԺ «Ծառուկյան» խմբակցության պատգամավոր Գևորգ Պետրոսյանը այս պահին հեղափոխություն չի տեսնում, բայց տեսնում է ժողովրդի արդարացի դժգոհություն։ Ըստ նրա՝ պետությունը, իշխանությունը պետք է ամեն ջանք գործադրի դրա պատճառները մեղմելու համար։ Նրա կարծիքով՝ եթե ժողովրդի ձայնը ճնշվի բիրտ ուժի կիրառմամբ, չի բացառվում հետագայում նույն ալիքի առաջացումը։
Հարցին՝ լինելով նաև դասախոս՝ երիտասարդների, ուսանողների ակտիվությունը պայքարում ինչպե՞ս է գնահատում, Գևորգ Պետրոսյանը պատասխանեց. «Ինձ համար, որպես դասախոս, ցանկալի չէ կրթական գործընթացի կազմալուծումը, բայց միևնույն ժամանակ ես հպարտանում եմ մեր պատվախնդիր երիտասարդներով, ովքեր տանը նստած չեն հետևում այս իրադարձություններին և իրենց կյանքը առողջությունը, ինչու չէ՝ նաև ուսումնական հաջողությունները վտանգելով՝ փաստորեն մասնակցում են այս քաղաքացիական գործողություններին։ Ես հարգանքով եմ վերաբերվում այն բոլոր ակտիվիստներին, ովքեր իրենց քաղաքացիական ակտիվությունը չեն զուգորդում հանցավոր գործողություններով»։
Մանրամասները՝ տեսանյութում:
