Այսօր՝ ապրիլի 17-ին, ԱԺ-ում հրավիրվել է հատուկ նիստ՝ քննարկելու և քվեարկելու Սերժ Սարգսյանի թեկնածությունը ՀՀ վարչապետի պաշտոնում:
«Մենք ուշադիր լսեցինք ձեր բոլորի ելույթները և կրկին հայտնվեցինք «Հայլուր»-ի Հայաստանում. պարոն Ֆարմանյան, ես հասկանում եմ «Հայլուր»-ի հետ ձեր կապը, բայց «Հայլուր»-ը ձեր հետ բերել եք խորհրդարան»,- «Ելք» խմբակցության անունից հայտարարեց Էդմոն Մարուքյանը՝ հավելելով, եթե ամեն ինչ այդքան լավ է, ինչո՞ւ է ամեն ինչ այսքան վատ:
«Աշոտյանն ասում է՝ եկեք սիրենք միմյանց: Պարոն Աշոտյան, ձեզ ո՞նց սիրենք , ձեզ ո՞նց կարելի է սիրել, դուք սիրելու բա՞ն եք, որ ձեզ սիրենք: Դուք ձեր արածը նայեք, ձեր ղեկավարած երկիրը նայեք: Դուք Պերիկլեսի մասին եք խոսում, պարոն Աշոտյան, ձեր կուսակցության հայտնի դեմքերի մասին խոսեք. Ձեր կուսակցությունում մարդիկ ան, որ իրենց գյուղի հրապարակը իրենց անունով են կոչել»,- դիմելով Արմեն Աշոտյանին՝ հայտարարեց Էդմոն Մարուքյանը:
Պատգամավորի խոսքով՝ իրենք չեն առաջնորդվում՝ «որքան վատ, այնքան լավ» սկզբունքով. «Մենք ատելության քարոզ չենք անում, այլ ասում ենք, որ ստեղծել եք ֆեյք համակարգ, որը չի կարող զարգացման ճանապարհ ունենալ»:
«Ձեր տոնը փչացավ, պարոն Աշոտյան»,- ասաց Էդմոն Մարուքյանը՝ հավելելով, որ չի կարելի այս շենքում կազմակերպել հաջորդ լսումները զոհերի, վիրավորների մասին, իսկ դրա թիվ մեկ պատասխանատուն իշխանություններն են՝ Սերժ Ազատի Սարգսյանի գլխավորությամբ, «որին մենք դեմ ենք քվեարկելու: Մենք եկել ենք, որ ասենք՝ այո, մենք դեմ ենք ձեր երրորդ պաշտոնավարմանը»:
Մանրամասները՝ տեսանյութում:
