Հարավային Ուելսի ոստիկանությունը կարողացել է ապացուցել 11 մարդու մասնակցությունը թմրավաճառությանը՝ WhatsApp մեսենջերում մատի լուսանկարի շնորհիվ։ Այս մասին հաղորդում է BBC News-ը։
2017-ի օգոստոսին Բրիջենդում շրջայցերից մեկի ժամանակ մեծ քանակությամբ կոկային և մարիխուանա է առգրավվել։ Ոստիկանները նաև հեռախոս են գտել, որտեղ եղած լուսանկարում մարդու ձեռք ափում էքստազիի դեղահաբի փաթեթ է։ Լուսանկարն օգտագործել են որպես գովազդ՝ թմրանյութերը վաճառելու համար։
Սարքավորման մեջ գտել են նաև գործարքի համար դրա օգտագործման ցուցումները։ Լուսանկարից փորձագետները կարողացել են ստանալ մատնահետքը, ինչը բավական էր 11 թմրավաճառների հանցախումբը բացահայտելու համար։ Թմրավաճառության մեջ 11 մարդ է մեղադրվել։
Հարավային Ուելսի ոստիկանության ներկայացուցիչն ասել է, որ այս մոտեցումը նորարակական էր․ մեսենջերի լուսանկարն առաջին անգամ է օգտագործվել մատնահետքերի համար։
«Այդ տղաները (դիլերները) չբռնվելու համար տեխնոլոգիա են օգտագործում, և մենք պետք է քայլեն ձեռքբերումներին համընթաց»,-ասել է նա։
