Բրիտանական թագավորական ընտանիքի ամեն մի նոր սերունդ խախտել և շարունակում է խախտել ավանդույթները։ Սակայն ոչ բոլորը. երեխայի սպասող զույգերը երեխայի սեռն իմանում են միայն ծննդաբերության ժամանակ։ Բայց, կարծես թե, արքայազն Վիլյամն ու Քեյթ Միդլթոնը դեմ են գնացել ավանդույթներին նաև այս անգամ։
Ինչպես հաղորդում են արևմտյան ԶԼՄ–ները՝ Բիրմինգհեմում ֆուտբոլային խաղի ժամանակ Վիլյամը անկեղծացել է երկրպագուների հետ և բացահայտել է իրենց ապագա երեխայի սեռը։
–Ես մտադիր եմ պնդել, որ երեխային Ջեկ անվանեն,– հայտարարել է նա, սակայն, սթափվելուց հետո դադար է տվել և ավելացրել՝ կամ Ջեկի։
Հիշեցնենք, որ արքայազն Վիլյամն ու Քեյթ Միդլթոնը երրորդ անգամ ծնողներ են դառնալու մոտ օրերս։ Սպասվում է, որ Քեյթը ծննդաբերելու է ապրիլի քսանից հետո։ Որոշ տվյալների համաձայն՝ ապրիլի 23-ին։ Դե ինչ, սպասենք Քենսինգտոնյան պալատից ստացվող նորություններին։
