Գիտնականները որոշել են պարզել, թե ինչպես կկարողանան սպերմատոզոիդներն ու ձվաբջիջները միավորվել անկշռության պայմաններում։
Այս նպատակով մինչև ապրիլի վերջը Space X բեռնատար նավը Միջազգային տիեզերական կայան կհասցնի Micro-11 գիտափորձի նյութերը։ «Խնդիրն է, առաջին անգամ պարզել, թե արդյոք մարդու սպերմատոզոիդները (և համեմատության համար ցլի սպերմատոզոիդները), հայտնվելով 400 կմ բարձրության վրա, կկարողանան այնպես «ակտիվ շարժվել» ինչպես դա անում են Երկրի վրա»,– գրում է ABC պարբերականը։
Գիտափորձն իրականացնում է NASA–ի ենթակայության տակ գտնվող Ames Research Center–ը։
Ինչպե՞ս է իրականացվելու գիտափորձը։ ՄՏԿ–ում տիեզերագնացները ապասառեցնելու են սերմնահեղուկի նմուշները և դրանց քիմիական նյութերի խառնուրդ են ավելացնելու, որը խթանում է սպերմատոզոիդների շարժմանը և ձվաբջիջների հետ նրանց միավորվելու նախապատրաստությանը։ Շարժումները տեսագրվելու են։ Կոնսերվանտներով մշակված նմուշները վերադառնալու են երկիր՝ վերլուծության ենթարկվելու։
Այս գիտափորձերը օգտակար են հիմնարար գիտությունների համար։ «Բայց կարևորը, հնարավոր է, որ մի օր նրանք օգնեն մարդկանց երկարատև էսպեդիացիաների մեկնել տիեզերքը ուսումնասիրելու համար»,– գրում է հեղինակը։
